Tuesday, June 12, 2007

ന്യൂനപക്ഷങ്ങളും ഭരണഘടനയും.

ന്യൂനപക്ഷം എന്ന വാക്കിനെ ഭരണഘടന നിര്‍വ്വചിക്കുന്നില്ലെങ്കിലും ഭാഷയുടെയും മതത്തിന്റെയും അടിസ്ഥാനത്തില്‍ അവയെ പരാമര്‍ശിയ്ക്കുകയും അവയുടെ അവകാശങ്ങളെ വിശദമായി രേഖപ്പെടുത്തുകയും ചെയ്തിട്ടുണ്ട്.

ഭരണഘടന രണ്ടുതരത്തിലുള്ള അവകാശങ്ങളാണ് മുന്‍പോട്ടുവയ്ക്കുന്നത്. common domain നില്‍ വരുന്ന അവകാശങ്ങള്‍ രാജ്യത്തെ എല്ലാപൌരനും ഉള്ളതുപോലെതന്നെ മൈനോറിറ്റിയിലെ പൌരനും ഉള്ളതാണ്. separate domain ഇല്‍ പെടുന്ന അവകാശങ്ങള്‍ മൈനോറിറ്റിയ്ക്കൂമാത്രമായി നല്‍കിയിരിക്കുന്നു.

മൈനോറിറ്റികളുടെ അവകാശങ്ങള്‍
1. ഏതൊരു പൌരവിഭാഗത്തിനും അവരുടെ ഭാഷ, ലിപി, സംസ്കാരം എന്നിവയെ സംരക്ഷിയ്ക്കാനുള്ള അവകാശമുണ്ട്[Article 29(1)].
2. സംസ്ഥാനഗവര്‍മെന്റിന്റെ സഹായത്തോടെ പ്രവര്‍ത്തിയ്ക്കുന്ന ഏതൊരു വിദ്യാഭ്യാസസ്ഥാപനത്തിലും മത-വര്‍ണ്ണ-ജാതി-ഭാഷ ഇവയുടെ അടിസ്ഥാനത്തിന്‍ ഒരു പൌരനും പ്രവേശനം നിഷേധിയ്ക്കപ്പെടാന്‍ പാടില്ലാത്തതാകുന്നു [Article 29(2)].
3.ഏതൊരു മത-ഭാഷാ മൈനോറിറ്റിയ്ക്കും സ്വന്തമായി വിദ്യാഭ്യാസസ്ഥാപനങ്ങള്‍ നിര്‍മ്മിയ്ക്കാനും പ്രവര്‍ത്തിപ്പിയ്ക്കാനും അവകാശമുണ്ട് [Article 30(1)].
4. മൈനോറിറ്റികള്‍ പ്രവര്‍ത്തിപ്പിയ്ക്കുന്നതും സര്‍ക്കാര്‍ സഹായം ലഭിക്കുന്നതുമായുള്ള വിദ്യാഭ്യാസസ്ഥാപനങ്ങളോട് സംസ്ഥാനം വിവേചനം കാണിക്കരുത് [Article30(2)].
5. ഒരു സംസ്ഥാനത്ത് ഒരു പ്രത്യേകഭാഷസംസാരിയ്ക്കുന്നവര്‍ക്കുള്ള പ്രത്യേക പരിരക്ഷകള്‍[Article 347].
6. മാതൃഭാഷയിലുള്ള പ്രാഥമികവിദ്യാഭ്യാസം[Article 350 A].
7. ഭാഷാമൈനോറിറ്റികള്‍ക്കായുള്ള Special Officer ഇന്റെ കടമകള്‍[Article 350 B].
8. സിഖുമതവിശ്വാസികള്‍ക്ക് കൃപാണ്‍ ധരിയ്ക്കാനുള്ള അവകാശം[Explanation 1 below Article 25] .

ദേശീയന്യൂനപക്ഷകമ്മീഷന്റെ വെബ് സൈറ്റ്

4 comments:

njjoju said...
This comment has been removed by the author.
njjoju said...

"ന്യൂനപക്ഷങ്ങളും ഭരണഘടനയും."

ന്യൂനപക്ഷം എന്ന വാക്കിനെ ഭരണഘടന നിര്‍വ്വചിക്കുന്നില്ലെങ്കിലും ഭാഷയുടെയും മതത്തിന്റെയും അടിസ്ഥാനത്തില്‍ അവയെ പരാമര്‍ശിയ്ക്കുകയും അവയുടെ അവകാശങ്ങളെ വിശദമായി രേഖപ്പെടുത്തുകയും ചെയ്തിട്ടുണ്ട്.

chithrakaran ചിത്രകാരന്‍ said...

ന്യൂനപക്ഷങ്ങള്‍ ഈ വകുപ്പുകളി സൂചിപ്പിച്ച അവകാശങ്ങള്‍ക്കുപുറമെ ധാരാളം അമിത സ്വാതന്ത്ര്യങ്ങളും ഉപയോഗിച്ചുവരുന്നു എന്ന തോന്നലാണ്‌ ചിത്രകാരനുള്ളത്‌. മാത്രമല്ല, ഈ അവകാശാധികാരങ്ങള്‍ ദുര്‍വിനിയോഗം ചെയ്യുന്നുണ്ട്‌ എന്ന ഖേദവുമുണ്ട്‌.
ആശംസകള്‍ !!

എന്റെ ഉപാസന said...

നമ്മുടെ ഭരണഘടനക്ക് രൂപം കൊടുത്തത് 60 വര്‍ഷം മുന്‍പാണ്. അന്നത്തെ സാഹചര്യങ്ങളല്ല ഇന്നു നിലവിലിരിക്കുന്നത്. അതു കൊണ്ട് തന്നെ ഭരണഘടന സമൂലമായി പൊളിച്ചെഴുതേണ്ട സമയം അതിക്രമിച്ചിരിക്കുകയാണ്. ഭൂരിപക്ഷങ്ങള്‍ക്കില്ലാത്ത ഒരു പ്രത്യേക അവകാശവും ന്യൂനപക്ഷങ്ങള്‍ക്ക് കൊടുക്കരുത് (കൊടുക്കുന്നത് ഭൂരിപക്ഷ വര്‍ഗീയത വളരാന്‍ ഇടയാക്കും. അവര്‍ പറയുന്നതില്‍ കാര്യവുമുണ്ട്). ന്യൂനപക്ഷ്ങ്ങളെ സംസ്ഥാനാടിസ്ഥാനത്തില്‍ നിര്‍ണയിക്കുക. വിദ്യാഭ്യാസരംഗത്തെ കച്ചവടവല്‍ക്കരിക്കുന്നവരെ നിലക്കു നിര്‍ത്താന്‍ പ്രത്യേക നിയമം ആവിഷ്കരിക്കുക......

പൊട്ടന്‍